***** खोईला *****

लकरी जल कोयला भई, कोयला जल भई राख ।

मालिक सूत नौकर भये, खोईला चूर भये साग ।।

1980 के बछर म टेक्टर लेवाइस , बड़प्पन ब नहीं

पेट जिये बर, चारो कति जी बहंचाय के जुगत...

भांय भांय करत समय कोंहुँ कोती कुछु खँजा नहीं....

मुं तोपे के ठउर मिल जाय काम धंधा म लग जावय ठिकाना माटी, ईंटा, रेती, दर्रा डोहार के ....

अन्ते-तंते  आये रहिस नहर ...हमन भगवान भरोसे...

पुरो पुरो के पानी घलो ल मनषे बऊरय दिन बादर देखके

बबा Ravindra Sisodia  ल पूछें कस बबा कब आईस 

बिजली हमर घर ....त... बताईस हमर घर के नम्बर आय

१८ अट्ठारा ओहुँ ह सोझ नई मिलिस अगोरे वाला रहिस

१९५९ म आइस बिजली फेर सरत रहिस १० ठन लेहे बर

गड़े रहिस लकरी के खम्हा तेमा अलग अलग हुक्सा लगय

डोमी कस बिच्छल करिया लाइन मेन तेकर पीछू सब लईका , बिजली बरिस फेर ओहो... आहा ....

मोर बबा भान सिंह मुलमुला एक ठन सुरता सुनाइस

आये रहिंन दीवान ददा अकलतरा ले बुले

जेठ के भर मंझनियाँ मुलमुला म खोजे बर परगे कुछु 

खाये के नई मिलिस ....फेर माढ़गे खँजा....

आगे कौड़ा के चूरे दूध म कुछु जिनिस

देवान ददा खाइस त मिठागे मया म...

ए ह काय आय भाँचा बड़ सुग्घर बने हे

कुछु नो हय ममा कोला के पाके केरा के सुख़री आय

दूध म चूरगे आउ तुंहर मया म मिठागे ।

भुखन मरें त महुँ कमाए खाये भाग गये रहें दंतेवाड़ा

पंचर जोड़त ,स्पोक बदलत, छर्रा बदलत नई बदलिस कपार के लिखे ह .... साग भाजी के छोड़ एक जुवार के खँजा बड़ मुश्कुल हो जावय बिहनियाँ हवय त संझा ...?

१९८० म लहुंट आये रहें दंतेवाड़ा ले.....

ममा घर गये रहें खेत जोंते त खाये रहें भांटा, खोईला संग 

रमकेरिया के साग नवा अमली के कढ़ी वाला साग...

फेर बड़ दिन म गयें ममा घर त सईगोन के दुआरी, त संगमरमर के पखना, आउ नवा नवा भात दार रांधे के मसीन देख छाती जुड़ागे ।।

बने बने मनखे के देंह आउ औकात *खोईला * हो गये रहिस समय के मार म .....***खोईला ..के ..सुख़री ***

सुखो दे समय के घाम म त गुदा ह चूर के ओईच म सूखा जाथे ,,,, फेर तोर औकात रहय जतन के धरे के त....

फेर हेर ...निमार ...आउ चुरो समय देख... त मिठाही 

खोईला बोइर के, आमा के बनीस अमचूर, जम्मो भाजी के खोईला, अमारु पटुआ, मखना फोकला , बरबट्टी, पताल, राहेर दार, तिवरा, मसूरी, जम्मो दार के * सुख़री *

बने देख सरेख के राखे बर परथें सुख़री घलो ल

बीच बीच म देखाये बर परथे घाम नहीं त..... बु बू ...

सुख़री आउ खोईला एके होही काय

लोहा के सीढ़िया  आउ नीमरा नता कस होथे हो...

एला जँचोत देखत लहुटात रहा नहीं त घुना सर जाथे

फेर किरा परगे त फेंके बर परथें घुरुआ म अकारथ ।

पुन्नी माघ २०२४

दिन सनीचर