चइत पुन्नी के एक रुपिया के टिकस म लिख दिस बरसिहा के मजूरी एक बछर के पुन्नी के पुन्नी ... आउ कर दिस बकलम ...दु गवाही संग ...
इकरारनामा
मन के मैं घुसू राम डोको वल्द माखन राम डोको गांव मुलमुला थाना पामगढ़ जिला बेलासपुर लिखत हंव के सरपंच रणधीर सिंह गांव मुलमुला करा अपन घरु काम बर ७५० रुपिया उधार लेवत हावव । जेकर एवज़ म चइत पुन्नी ले चइत पुन्नी बिन नांगा करे बछर भर घर के आउ खेती के सब्बो काम ल करिहौं । मोला बछर भर खाये बर धान देहि जे हर जस के तस लहूटाये बर परही मूर के मूर । जदि मोर करा ए इकरारनामा ल टोरे जाहि त धान के दुगुन बाढ़ी संग ७५० रुपिया के कन्तर ५ रुपिया सैकड़ा महीना के देहे बर परही । ए ७५० रुपिया आउ मोर लेहे धान के एवज म
मोर बाप माखन राम डोको पिता रामसाय डोको के नाव म दर्ज भांठा खार के भर्री कोदंन साव सही ह लिखावत हे ।
इकरारनामा लिख दे गईस ताकि सनद रहय वक़्त पै काम आवै ।
गवाह १ गवाह २ इकरार करता
एक रुपिया के टिकस
बकलम कांतिकुमार सिंह गांव मुलमुला
चइत पुन्नी बिक्रम सम्वत २०११
तारीख १४ जनवरी १९६०
*****
बरसिहा लगे हवय ......
०१ राउत ...चरवाही आउ बरवाहि
०२ नाऊ...बर, बिहाव, मरनी-हरनी, ,पूजा-पाठ, छट्ठी-छेवारी, दाढ़ी-,मेंछा
०३ पईकहा ... नहना, बरही, पनही, भंदाई, खात-खवाईत
०४ धोबी ... नहावन-धोवन, बर-बिहाव, खंघे-बढ़े
०५ कमैलीन गोबर कचरा,कोठा, खोर , दुआर के छरा-छींटका
०६ आउ सबले ऊपर म पानी भरवईया राऊताईंन ....
ई सब पांचो मन मुं अखरा बरसिहा लगय आज घलो गांव के बेवस्था
सबले अल्लग थल्लग ****
पईकिहिंन दाई नवा जनमे लोग-लईका के नेरूहा छीने खातिर
त बरेठीन दाई बिहाव म सोहाग देहे बर इंकर बिन जनम मरन नई होइस
बस यूं ही बैठे-ठाले
18 दिसम्बर 2024
No comments:
Post a Comment